Nýja Vínbúðin er bresk vefverslun rekin af Lonrek Ltd, fyrirtækjanúmeri 16967389, með skráð heimilisfang að 20 Wenlock Road, London, England, N1 7GU. Lonrek Ltd er seljandi vara í vefversluninni. Nýja Búðin ehf., kt. 690925-0600, er þjónustuaðili á Íslandi og annast þjónustu við viðskiptavini, lagerafgreiðslu og afhendingu frá Hamraborg 14a, 200 Kópavogi. Við leggjum áherslu á vandað úrval og hagstætt verð og bjóðum heimsendingu á höfuðborgarsvæðinu eða afhendingu í Hamraborg 14a innan opnunartíma.

Við búum að margra ára reynslu í þjónustugeiranum og trúum því staðfastlega að góð þjónusta eigi erindi við alla. Sömuleiðis trúum við á heilbrigða samkeppni og sanngjarnan markað sem skilar sér einna helst í stórauknum sparnaði fyrir neytendur - eins og þig.
Á vel flestum sviðum verslunar og þjónustu hefur þróunin verið í átt að tímasparnaði og auknum þægindum fyrir neytendur. Okkur finnst því eðlileg þróun að hægt sé að versla áfengi með nútímalegri tækni og leiðum sem eru í takt við breytta tíma.

Við skiljum að áfengi er verslunarvara sem krefst ábyrgra viðskipta. Við vöndum okkur við afgreiðslu pantana og biðjum viðskiptavini að hafa skilríki á sér til þess að tryggja að aldurstakmörk við afgreiðslu séu virt.

Við tökum aðeins við vegabréfi, plast ökuskírteini og nafnskírteini, ekki er tekið við rafrænum skilríkjum eins og island.is

Það er í takt við tímann að nýta tímann sinn vel. Ekki bíða í röð. Verslaðu vínið hjá okkur.
Um okkur
Um okkur